(333)                           SOUS LE RÈGNE DE CHARLES VI.                                93
saint Michiel l'archange, à monseigneur saint Pere et saint Paul, à monseigneur saint Eloy et à toute la benoiste court et compaignie de Paradis, volt, ordonna et commanda expressement et avant toute euvre toutes ses debtes estre paiées et ses torsfaiz amendez et re­parez, dont il apperra souffisaument par ses executeurs ci dessoubz nommez.
En après, il eslut sa sepulture et volt son corps estre mis et enterré en la chappelle Nostre Dame estant en la dicte eglise Saint Eloy à Paris.
Item, il ordena et voult xm messes estre dictes et célébrées le jour de son obseque pour le salut de s'ame, c'est assavoir, trois à note et les autres basses, oultre le service que le prieur sera tenu et devra faire faire.
Item, il ordena et voult son luminaire estre fait de huit torches, chascune detrois livres de cire, et de quatre cierges, chascun de deux livres de cire.
Item, il laissa xii livres Parisis à estre données pour Dieu le jour de son obseque par l'ordennance de ses executeurs.
Item, il laissa xvi livres Parisis pour la despense du disner de ceulx qui feront son service et de ceulx qui seront à icellui, et sera icelle des­pence faite par l'ordenance de ses diz executeurs.
Item, il laissa à Guion des Olières, son serviteur, im livres Tournois.
Item, à Bernart Magdelainne, qui fu son queux, xl solz Tournois.                              -»
Item, à messire Hugues Moulin, son serviteur, de pieça prestre, x livres Tournois.
Item, à Jehan Robineau xl solz Tournois.
Item, à Jehan Andraut xl solz Tournois.
Item, il laissa à Perrin, son queux de present, xx solz Tournois.
Item, à Jehanne du Pont, sa garde, xl solz Tournois.
Item, le dit testateur dist et afferma en sa conscience par devant les diz notaires qu'il avoit et a donné et distribué toutes ses robes, Chap­pes, manteaux, corsés, ostades, sarges, estamines, chapperons, chaus­ses et autres vestemens, excepté ii houppellandes et deux petites